Blog guía :: Ciencias Para O Mundo Contemporáneo

As cifras de mortalidade infantil publicadas por UNICEF   son esperanzadoras : 9,7 millóns anuais , frente aos 13 de 1990.

Aínda que estas cifras son inaceptábeis,  non cabe duda da eficacia dos  programas de nutrición, ampliación dos servicios básicos de saúde e  de  saneamento e suministro de agua. Neste senso, esta sensible melloría, non pode verse alterada polas consecuencias para o futuro das nosas intervencións sobre o Medio Ambiente.

Aproveitando a celebración, dende o Blogue Guía vos invitamos a que levedes ás bibliotecas virtuais dos vosos blogues a publicación ” El cambio Climático y la Infancia”  onde se recopilan os comentarios e cartas  procedentes  dos delegados infantís  da  Conferencia Rexional Africana Infantil para o Medioambiente de PNUMA do 2007  e do  World Scout Jamboree de 2007,recollidos no programa ” A Xuventude Opina” da UNICEF.

Levádeo ás aulas e animade ós rapaces a que comenten nos blogues as súas impresións, ou, se non dispoñedes de tempo, trasladade alunha das opinións a un post ou a un foro e animade ós rapaces a debatir sobre o tema.

Ola de novo a todos e todas:

Agora que xa sodes un expertos blogfesores:  que vos parece adicar a próxima sesión de CCMC para por aos rapaces a publicar?
A secuenciación de actividades pode ser a seguinte:
1 - Creamos unha categoría chamada Redacción ou similar.
2 - Levamos os rapaces a aula multimedia, e lle suxerimos a seguinte actividade:

2.1 - Observamos a estrutura dun post dos que xa tedes publicado (Título, texto curto, sen faltas, vínculos…)
2.2 - Buscamos información na rede  unha noticia sobre cambio climático que vos chame a atención, mellor se está relacionado co que  esteades a tratar na aula. Só necesitan un vínculo, unha imaxe e un pequeno comentario.
2.3 - Premen na pestana superior do blogue do centro e van ver os titoriais do Blogue Guía, concretamente os pasos: Entrar en administración, escribir un post, editar un vínculo e por unha imaxe. (Se dispoñedes de ordenadores en rede podedes explicalo vos na pantalla.)
2.4 - Animalos a que citen a fonte da imaxe e da noticia: Por exemplo: Fonte: El País e a que revisen as faltas de ortografía e expresión.
2.5 -  Xa son autores climántica!
3 - Se sobra tempo, animádeos a que deixen un comentario nos post dos compañeiros.

Xa nos contaredes a experiencia nos comentarios e pasaremos a visitarnos nesta semana.
Ánimo!

Algunhas coñecidas, outras non tanto. De todas elas falaremos neste blog, aportando  ideas de aplicación nas aulas de CCMC.

Hoxe imos buscar material en Teacher Tube, un repositorio de vídeos para o ensino, con diferentes canles temáticos que nos permiten atender á multidisciplinariedade  desta aventura na que estamos inmersos.

Un día como hoxe, fai seis anos, naufragaba o petrolero Prestige, causando a maior contaminación do litoral galego da historia.

Como  tódalas  catástrofes, serviu para mellorar a seguridade marítima na nosa costa, e  axudou a aumentar a concienciación social fronte aos desastres ecolóxicos. A escola non quedou atrás e se publicaron e elaboraron centos de actividades didácticas sobre este tema que conmocionou a sociedade tanto polas consecuencias dos vertidos como pola resposta solidaria da poboación.

Desde os blogues de CCMC  non podemos deixar  pasar en alto este aniversario e dende o Blogue Guía vos animamos a que publiquedes algunha actividade sobre este tema ou a que creedes un debate no foro con preguntas como a  que serve de título a este post na que reflexionen sobre o tráfico mariño de mercadoría perigosas, as medidas a tomar….

A  gran repercusión en prensa das consecuencias do vertido danos a oportunidade  de empezar a utilizar a prensa como recurso habitual nos nosos blogues.

Na sección de recursos de Climántica, e baixo o epígrafe “Primeiro Curso de Climántica”,  tedes a vosa disposición unha excelente comunicación de Maria Pilar Jiménez Aleixandre sobre o uso da prensa como recurso nas comunidades de aprendizaxe de Educación Ambiental. Podedes utilizar como material o  que temos seleccionado na páxina principal ou os que nos ofrecen nas páxinas de Bioxeo.

E se queredes afondar un pouco máis, a Webquest Que facer ante unha marea negra? de Ester Blanco e Luís Teira  axudará aos vosos alumnos a tomar conciencia do alcance deste tipo de catástrofes e a desenvolver actitudes de solidariedade.

 Directamente, dende os  “nosos viveiros” nos blogues temáticos,  trasladamos un post realizado por Natalia Abelenda, responsable do blogue de Enerxías, temático que deberíamos visitar e, de paso, felicitar polo seu traballo a Natalia nos comentarios.

Aquí queda:

Na actualidade conviven as seis últimas formas de desenvolvemento, existindo zonas do planeta onde o nivel de consumo é o do home cazador xunto con outras zonas nas que o nivel de consumo é o do home tecnolóxico.

Ver a pantalla completa

A tendencia ao aumento do consumo enerxético é máis que evidente, sobre todo a partir da revolución industrial. Pero o home tecnolóxico representa para diversos expertos un modo de consumo insostible para o planeta Terra.

Aventúraste a predicir que fase lle seguirá á do home tecnolóxico?

 Tags: consumo, evolución

A sesión  do curso de Climántica nas Ciencias para o Mundo Contemporáneo do próximo sábado 15 de novembro comenzará  09:30 horas.

Aproveitamos este post-recordatorio para que profundicedes na figura do poñente Francisco Anguita  introducíndoos á lectura  do libro “Crónicas do Sistema Solar”  en Google Books ou a través dunha entrevista  na sección de entrevistas a científicos e investigadores do Proxecto Biosfera.

Pero como mellor o podemos coñecer é a través de dous dos seus libros “Biografía de la Tierra” e “Historia de Marte”

Os blogues de aula son un lugar idóneo para aventurar ós nosos rapaces e rapazas na lectura divulgativa da Ciencia.

Tal e como vos comentamos no curso, o Blog Guía vai servir como espello das actividades  realizadas noutros centros, na súa función de  punto de encontro da comunidade de profesores CCMC.
Inauguramos a sección con un interesante post publicado hoxe no blogue do IES Allariz, un bo exemplo do potencial da aplicación dos videoxogos na aula.

Parabéns para os autores!

Spore. ¿Creacionismo ou Evolucionismo?

Fai pouco que acaba de saír o videoxogo Spore, no que un ser unicelular , creado polo propio xogador, evoluciona, relaciónase con outros seres e faise cada vez máis forte e intelixente.

Podemos ver o trailer do xogo dende Youtube:

O autor, Will Wright, tamén creador dos Sims , deu unha entrevista á revista Muy interesante, onde nos introduce un pouco no aventura deste videoxogo.

Segundo o autor unifica bioloxía, darwinismo, deseño intelixente, comunidades virtuais e entretemento.

O voso traballo é facer un comentario dentro desta entrada onde indiquedes, de forma razoada:

• Se Spore é un videoxogo que segue unha verdadeira teoría evolucionista.
  
• A teoría sobre a orixe da vida na que se basea.

Tags: Evolucionismo
Publicado en Que nos fixo especificamente humanos | Autor Nuria | Comentar »

Dende as orixes da vida animal  ata os homínidos, unha breve síntesis da historia evolutiva.

Ver vídeo a pantalla completa

E si o trasladamos a un eixo cronolóxico ou traballamos as escalas e o levamos a un período dun curso escolar?

A fotografía a maior escala que se fixo nunca.

Dispoñible na páxina de microcosm da que nos falou Ramón. Se queredes seguir traballando nesta línea tamén podedes visitar a páxina de Nikon, worwidzz ou potencias de dez.

Ola a tod@s:

Aquí estamos “abducid@s” pola interesantísima charla de Ramón Cid. Atendendo  a súa proposta, e a modo de rosa dos ventos  que nos guíe na navegación,  podedes descargar dende este post o arquivo coas direccións. Só teredes que premer no vínculo para visitar as páxinas. “Climántica na materia de CCMC desde a sostibilidade e as TIC: Ramón Cid”

Unha idea: compartilo cos rapaces e rapazas para que poidan acceder a recursos ben seleccionados.